Urte hasieratik Bortzirietako herrietako kontsultategiak medikurik gabe daude eta medikuek Lesakan artatzen dituzte herritarrak. Sei mediku beharko luketen tokian bi mediku ari dira. Horrez gain, Bortzirietan ez dute pediatrarik eta berez, bi pediatra behar lukete, horietako bat lanaldi osoan eta bertzea lanaldi erdian. Egoera salatzea eta osasun zerbitzu duina eskatzea izanen da biharko elkarretaratzeen helburua.
Elkarretaratze guztiak 18:30ean izanen dira:
- Arantzan herriko plazan
- Beran Mukixu zubian
- Etxalarren herriko plazan
- Igantzin kontsultategiaren atarian
- Lesakan osasun zentroaren atarian
