Lesaka ikergai duten 2022-2023 ikasturteko gradu eta master akaberako lanak egiteko dirulaguntza bat eskainiko du bigarren aldiz Lesakako udalak. Joan den urteko deialdiaren antzera, aurkeztutako lanen artean bi izanen dira aukeratuak eta bakoitzari 500 euroko diru-laguntza emanen zaio. Lanak Lesakako Herriko Etxean aurkezteko epea 2023ko urtarrilaren 30ean bukatuko da.
Laguntzaren jasotzaileek proiektua bukatuta, egindako proiektu edo lana solasaldi batean aurkeztuko dute herritarren aitzinean, Lesakako udalarekin batera.