Ekainaren 27an hasi ziren Lesaka eta Etxalar arteko Bereauko zubia zaharberritzeko lanak. Uztailaren 28an, Ignacio Apeztegia, Nafarroako Gobernuko Kultura Zuzendaritza Nagusiko-Vianako Printzea erakundeko zuzendari nagusia, Ladis Satrustegi Lesakako alkatea, Jose Mari Maia Etxalarko alkateordea, Susana Herreros, Ondare Historikoaren Zerbitzuko zuzendaria, Jose Luis Franchez arkitektoa eta eraikuntza lanak egiten ari diren Leache enpresako ordezkariak izan dira lanak bisitatzen.
Hain zuzen, Agoizko Leache eraikuntza enpresak eginen ditu lanak 645.978 euroren truke eta 2023ko azarorako bukatuko dituzte.