Ezbeharra N-121-A errepidean gertatu da, Beratik Irun aldera dagoen gasolindegitik hurbil auto bat bidetik atera eta Bidasora erori denean larunbat ilunabarrean, garai batean Garaiar baserria zegoen inguruan. Erreskate taldeko suhiltzaileek hilik atera dute Iruñeko gizonezkoa Bidasotik.
Hildako gizonezkoaren erreskatea gauez egin dute Oronozko parkeko suhiltzaileek eta salbamenduetan aritzen diren taldeko suhiltzaileek. Istripua artatzera Berako osasun langileak eta anbulantzia joan dira eta Guardia Zibila arduratu da hildakoa altxatu eta eramateaz.