Sudur gorriak jantzita Nafarroako hainbat familia, ikasle zein profesional Azantzan izan ziren atzo, Korrikako 1291. kilometroko lekukoa eramateko. Berako Ricardo Baroja ikastetxeko eta Toki Ona institutuko ikasleak bertan izan ziren, baita Etxarri Aranatzeko Andra Mari ikastola, Iruñeko Hegoalde ikastetxea, Iturrama institutua eta Sarrigurengo institutua ere. «Giro bikaina» izan zuten eta «gogotsu» bete zuten haien kilometroa, aniztasun funtzionalako euskal gelei ikusgarritasuna ematearen alde.
