HitzEkin lelopean eginen da 22. Korrika, eta martxoaren 31tik apirilaren 10era bitartean, Amurrio eta Donostia lotuko ditu euskararen aldeko lasterketa erraldoiak. Eskualdeko batzordeak ere lanean hasiak dira. Bortzirietan, adibidez, aste honetan eta hurrengoan 22. Korrikako materiala salgai paratuko dute.
Ortzegunean eta ortziralean, otsailaren 17an eta 18an, Berako Labiaga ikastolan materiala erosteko aukera izanen da, 17:00etatik 19:00etara.
Otsailaren 26an, berriz, Lesakako plazan paratuko dute denda, 10:00etatik aitzinera.
Materiala online ere eros daiteke, Korrikaren webgunean eta webgune berean, Korrikaren laguntzaile izateko ere aukera bada.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.