San Anton eguna ospatu zuten astelehenean Lesakako Endara auzoan ere. Meza aditzera eta ingurua bisitatzera joan ziren zenbait lagun. Baina San Anton egunaren ondoko igandea izan ohi da ospakizun handieneko eguna. Aurten, besta ttikiagoa izanen dela espero da, bertan dauden bi ostatu-jatetxeek ateak ez irekitzea erabaki baitute. Hori bai, igandean 10:00etan, 11:00etan eta 12:00etan meza izanen dute San Antongo baselizan. Beti Gazte elkarteak araututako ibilaldia ere antolatu du. Endara auzotik herrigunera jautsita, igande arratsaldean, 17:30ean, The Trikiteens taldearekin erromeria izanen da Plaza Zaharrean.
Ospakizun murriztua izanen dute igandean Lesakako San Antonen
Endara auzoko bi jatetxeek ez dituzte ateak irekiko, baina halere mezak izanen dira San Anton baselizan eta arratsaldean musika Plaza Zaharrean.
Erlazionatuak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun