Artxiboko irudiak

2000. urteko Arantzako Baserritarren Egunari buruzko erreportajea

Ohitura mantenduz, Ekaitza Elkarteak antolatuta Baserritarren Eguna egin zuten duela 21 urte Arantzan. Herritarrek egindako produktuak eta eskulanak ikusteko eta erosteko aukera izan zen frontoian eta horrez gain, hainbat azienda ere eraman zituzten plazara. Baserritarren Egunaren bosgarren edizioak utzi zuena hainbat herritar elkarrizketatuz bildu zuen Aitziber Almandoz kazetariak. Egun polita dudarik gabe, joan den urteko geldialdiaren ondotik, aurten  berreskuratu dutena.

Baserrietako ardiak, pottokak, oiloak, ahateak eta oilaskoak, barazkiak, gozokiak, opilak, eskulanak... Denetarik plazaratu zuten herritarrek bosgarren edizio hartan. Eskolako ikasleek ere euren tokia izan zuten eta batzuk gaztainak erretzen aritu ziren bitartean, bertzeak Arantza ezagutzen joko sortu berria saltzen aritu ziren. Begoña Lizardi herritarrak, bertzalde, inguruan eta kanpoan egindako argazkiekin erakusketa ederra paratu zuen.

Ea aurtengoa ordukoa bezain arrakastatsua den!

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun