Bereziki gurasoei eta etxekoei dei egiten die Ruth Gonzalezek, Bortzirietako Osasun Etxeko zuzendariak. «Txertaketa prozesua osatu gabe eta positiboen kontaktu zuzen diren gurasoak eta etxe berean bizi direnak konfinatuta egon behar dute». Lantokian aurkezteko bajaren paperarekin «ez kezkatzeko» azpimarratu du, eta «beranduago eskatuta ere, behar den datarekin» eginen zaiela argitu du.
Intzidentzia tasa izugarria da egunotan Bortzirietan eta osasun etxeko zuzendariak dioenez, «egoera kritikoan gaude oraindik». Izan ere, datu argigarria eman du hori horrela dela argitzeko: «gaur Lesakan egin diren antigeno testen erdiak positibo atera dira».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!