Koronabirusa

Bortzirietako 30-39 urtekoek uztailaren 21ean hartuko dute txertoaren lehenbiziko dosia

Lesakako Osasun Etxeak TTIPI-TTAPAri jakinarazi dionez, 30 eta 39 urte bitartean dituzten Arantzako, Berako, Etxalarko, Igantziko eta Lesakako herritarrek uztailaren 21ean izanen dute txertoaren lehenbiziko dosia hartzeko aukera eta abuztuaren 11n bigarrena. Bertzetik, aitzinetik iragarri bezala, 40-49 urtekoek ekainaren 24an hartuko dute lehenbiziko dosia. Ikusi  hemen nola doan txertaketa Bortzirietan.

Txertaketa Bortzirietan

  • 30-39 urtekoek uztailaren 21ean hartuko dute lehenbiziko dosia eta abuztuaren 11n bigarrena. 764 lagun daude deituak egun horretan, goizez, Lesakako Harriondoa Kultur Etxean txertoa hartzera.
  • 40-49 urtekoek ekainaren 24an hartuko dute lehenbiziko dosia eta uztailaren 15ean bigarrena. 1.285 laguni zuzendua dago txertaketa eta goiz eta arratsaldez ariko dira txertoak paratzen.
  • 50-54 urtekoek ekainaren 4an hartu zuten lehenbiziko dosia eta bigarrena hilaren 25ean hartuko dute.
  • 55 urtetik goitikoen txertaketa ia osatua dago. 55-59 urtekoek astelehenean hartu zuten bigarren dosia. 60-67 urtekoek uztailaren 30ean hartuko dute bigarren dosia.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun