Bi aste pasatu dira erronka hasi zenetik. Bortzirietan, herritar bakoitzeko bildu den materia organiko kopurua kilotan kalkulatuta emaitzak ateratzen hasi dira.
1. ASTEA | 2. ASTEA | TOTALA | |
LESAKA | 1,24 | 1,14 | 2,38 |
BERA | 0,97 | 1,33 | 2,31 |
IGANTZI | 0,79 | 1,12 | 1,91 |
ARANTZA | 0,82 | 1,04 | 1,85 |
ETXALAR | 0,66 | 0,44 | 1,10 |
Oraingoz, Lesaka da biztanle bakoitzeko kilo gehien birziklatu duen herria, 2,38 kg/biztanleko metatu baititu. Bera bigarren doa, eta nabarmen handitu du birziklatutako kopurua bigarren aste honetan, Lesakatik hurbil geldituz. Igantzi eta Arantzak kopuru berdintsua birziklatu dute baina Igantzi doa gainetik. Etxalar dugu azkena, bi asteotan guttien birziklatu duena izan baita.
Birziklatzea helburu
Ekimen honekin Nafarroako Hondakinen Partzuergoak materia organikoaren birziklapena sustatu nahi du, edukiontzi berdetik hondakin birziklagarriak ateratzea zabortegietara bideratutako hondakin kantitatea murrizteko. Nafarroako 11 mankomunitate eta 92 udalerri parte hartzen ari dira olinpiada hauetan, eta hilabete batez birziklatutako kopurua kalkulatu eta argitaratuko dute. Bukatzean, zonalde bakoitzeko emaitza hoberenak lortutako herriak sarituko dituzte.