Arantza, Bera, Etxalar, Igantzi eta Lesakan bizi diren 70 eta 79 urte bitarteko 720 lagun zeuden atzo Pfizer etxearen lehenbiziko dosia hartzera deituak, eta horietatik %98,75ek hartu zuten txertoa, guztira 711 lagunek. Bigarren dosia maiatzaren 12an hartuko dute.
Ikusi hemen txertaketen egutegia.
Baztan
- 60-65 urte bitartekoek apirilaren 16an AstraZeneca txertoaren lehenbiziko dosia hartu zuten eta uztailaren 9an bigarren dosia hartuko dute.
- 70-79 urte bitartekoek apirilaren 20an Elizondon Pfizer etxearen lehenbiziko dosia hartu zuten eta maiatzaren 11n bigarrena hartuko dute.
- 80 urtetik goitikoek dagoeneko Pfizerren bi dosiak hartu dituzte: martxoaren 29an hartu zuten lehenbizikoa eta apirilaren 19an bigarrena.
Bortziriak
- 70 eta 79 urte bitartekoek atzo, apirilaren 21ean, hartu zuten Pfizer etxearen lehenbiziko dosia Lesakako Harriondoa Kultur Etxean eta maiatzaren 12an bigarrena hartuko dute.
- 80 urtetik goitikoek martxoaren 30ean hartu zuten lehenbizikoa eta apirilaren 20an bigarrena.
Leitzaldea-Urumealdea
- 60 eta 65 urte bitartekoek apirilaren 15ean hartu zuten AstraZenecaren lehenbiziko dosia eta uztailaren 8an bigarrena hartuko dute.
- 70 eta 79 urte bitartekoak apirilaren 13an txertatu zituzten lehenbizikoz eta maiatzaren 4an txertatuko dituzte bigarren dosiarekin.
- 80 urtetik goitikoek bi txertoak hartuak dituzte: martxoaren 23an eta apirilaren 15ean hartu zituzten bi dosiak.
Malerreka
- 60 eta 65 urtekoek txertoaren lehenbiziko dosia gaur, apirilaren 22an, hartuko dute.
- 70 urtetik goitiko herritarrek apirilaren 6an hartu zuten lehenbiziko dosia eta heldu den asteartean, apirilaren 27an, bigarrena hartuko dute.