Bere ustez, neurriek ikasleengan utzi dituzten ondorioak aunitz eta argiak dira. Bertzeak bertze, ikasturte honetan «lanak bakarka eta baliabiderik gabe» egin behar izan dituzte eta «konfinatuta egon diren ikasleei irakasleek ez diete arretarik jarri eta lanak azalpenik eta eredurik gabe egin behar izan dituzte».
Ikasleek «gure eskubideen alde borrokatzea» garrantzitsua da bere ustez, eta beraz, apirilaren 21ean Iruñean izanen den manifestaziora joanen da. Gainerakoei ere parte hartzeko deia egin die «denok batera indartsuagoak garelako». Horregatik, «ahalik eta jende gehien etor dadin», autobusa antolatuko dutela nabarmendu du.
Karrikak hartuz, «jendea pairatzen ditugun zapalkuntzez ohartzea» dute helburu eta «hezkuntza parekatu baterako» aldaketak eskatuko dituzte: «Jo ta ke hezkuntza burujabe eta euskaldun baten alde. Gora ikasleon borroka!».
