Koronabirusa

Bortzirietan 80 urtetik goitikoei martxoaren 30ean paratuko diete txertoa Lesakako Harriondoan

Ttipi-Ttapa 2021ko mar. 23a, 09:30

Arantzan, Beran, Etxalarren, Igantzin eta Lesakan bizi diren 80 urtetik gorakoak Covid-19aren kontrako txertoa jartzeko aukera izanen dute martxoaren 30ean, Lesakako Harriondoa kultur etxean. Hitzordu zehatza emateko, Nafarroako Gobernuko Osasun Departamentutik deitu diete adin horretan daudenei, banan-banan, eta euren kontura Lesakako Harriondora joateko modurik ez dutenek beren herriko etxera deitu beharko dute gaur eta bihar goizean.

Joan-etorria egiteko zailtasuna dutenek gaur eta bihar goizean deitu behar dute norbere herriko etxera

500 lagun inguru dira martxoaren 30ean, asteartean, txertoa jartzeko gonbita hartuko dutenak. Horretarako erraztasun guztiak emanen zaizkie adin horretan daudenei eta Lesakara joan-etorria egiteko zailtasuna dutenek bere Herriko Etxera deitu behar dute gaur asteartean eta bihar asteazkenean, 09:30etik 11:30era:

• Arantza: 948 63 40 05
• Bera: 948 63 00 05
• Etxalar: 948 63 50 05
• Igantzi: 948 63 77 81
• Lesaka: 948 63 70 05

Gizartea Bortziriak

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun