Parte hartzaileen arabera «arras polita eta betegarria izan zen». Horrela, «hurrengo urtean Berako mendizaleek lekukoa hartu» eta geroztik «urtetik urtera gero eta emakume mendizale gehiagok parte hartu dute» egun honetako ibilaldian. Izan ere, «lehendabiziko aldiko hamaika horietatik, bataz bertze, hirurogeitik goiti izatera pasa gara».
Aurten ere Beran elkartu eta mendian ibiltzeko asmoa zuten, baina, bizi dugun osasun egoera dela medio, mendi irteera hurrengo urterako uztea erabaki dute. Beraz, aurten Bortzirietako emakume mendizaleek ez dute mendi ibilaldia antolatuko. Jakitera eman dutenez, «ustez, bederen, zuzenena delakoan hartu dugu erabakia, betiere heldu den urtea hobea izanen delakoan». Azkenik, oharra aldarrikapen hitzez bukatu dute «bitartean segitu ahalduntzen! Garai ilun hauetan ere hartu denbora eta gustuko duzuen horretan jardun! Mendian ibiltzen eta gozatzen jarraitu eta zaindu!».