Aski ezaguna dugu Oskar Txoperena igantziarra, urte aunitzez herriko postaria izan baita bertze gauza eta lan aunitzen artean. Pilotari garaian, erraterako, trinketean Munduko txapelketan parte hartu zuen Mexiko eta Kubako txapelketetan eta domina lortu zuen Bartzelonako Joku Olinoikoetan. Orain, erretiroa hartzeko ordua ailegatu zaio. Ttipi-Ttapan ere urte aunitzez Igantziko berriemaile izan da eta eskerrak eman nahi izan dizkiogu urtetan egindako lanarengatik.
Hala ere, herriko 'argazkilari ofiziala' izaki, ez diogu aisa arlo hortan erretiroa hartzen utziko (uzten bagaitu behinik behin) eta sarritan ikusiko dituzue bere argazkiak; hauxe gure omenalditxoa egiteko modua.
