Txinbo kaskabeltza gorostiaren frutak jaten bideoan bildu du Jose Ramon Amorosek

Arantzan grabatutako irudiekin bertze bideo bat osatu du Jose Ramon Amoros aranztarrak. Aldi honetan txinbo kaskabeltza ageri da gorostiaren frutak jaten. Bide batez, Amorosek oroitarazi du, «gorostiak, elorriak, zuhandorrak, otsolizarrak, ostazuriak, lintsusak eta gisako zuhaitz eta zuhaixkak janari-biltegiak direla hainbat hegazti eta bertze animalientzako». Eta horregatik, «zaintzeko» mezua luzatu du.