Zehazki, udaletxe aitzinean lau aparkaleku paratu dira, astegunez 08:00etatik 14:00etara irekiak egonen direnak. Ordutegi horretatik kanpo itxita egonen dira, udaletxearen aitzinaldea libre izateko bolardoak jartzen baitira. Bertze bi aparkaleku Arretxea karrikan ezarri dituzte, Iñaki janaridendaren parean. Eta bertze bortz leku Plaza Zaharreko aparkalekuan paratu dituzte. Hauetan, astelehenetik ortziralera 08:00etatik 13:30era eta 16:00etatik 19:00etara eta larunbatetan 08:00etatik 13:30era geldi daiteke hamar minutuz. Ordutegi horretatik kanpo aparkaleku arruntak izanen dira.
Hauetaz gain, karga-deskargarako bertze zenbait puntu ere paratu dituzte Rural Kutxaren parean (goizez), Zabaleta dorrearen aitzinean eta Txinelka zapatadendaren parean.