Aurten ez da Berako bestarik izanen, baina zenbait ekitaldi antolatu dituzte abuztu hasierarako. Honela, normalean abuztuaren 4an Eztegara pilotalekuan izaten den pilotari profesionalen jaialdia abuztuaren 2an izanen da, igandean 17:30ean hasita. Partida nagusia ez da nolanahikoa izanen, EPELek antolatutako Masters Caixabank txapelketaren seigarren jardunadiari dagokion partidan, Urrutikoetxea eta Irribarria, Altuna III.a eta Imazen kontra ariko dira. Lehenbiziko partidan, Bakaikoa eta Mariezkurrena II.a, Peio Etxeberria eta Bikuñaren kontra ariko dira.
Aurten, pandemiaren eraginez, 400 sarrear bakarrik jarri dira salgai eta dagoeneko eros daitezke Agara prensa dendan eta Internet bidez, www.entradasfronton.com webgunean. ASPE enpresak antolatuko du Berako jaialdia eta maskarak paratuak izatea derrigorrezkoa izanen dela gogorarazi du. Gainera, segurtasun- eta osasun-protokolo guztiak beteko dituzte.