Covid-19ak eragindako osasun larrialdiaren ondorioz, inoiz baino beranduago ireki zen aurten arrantza denboraldia, maiatzaren 18an. Goiz berean arrantzatu zuen Bidasoko Lehenbizikoa Burlatako David Mirandak. Joan den asteazkenean arrantzatu zuten berrogeita hamahirugarren izokina Bidasoan eta, beraz, izokin arrantzaren denboraldia bukatu da. Halere, oraindik amuarraina arrantzatzeko aukera bada uztailaren 15era, asteazkenera, arte, bai Bidasoan, baita Urumean ere.