Itxura berria hartzen ari da Lesakako plaza ingurua

Hilabete hasieran oinezkoen espazioa zabaltzeko lanei ekin zien Lesakako udalak, konfinamendu arintzearen fasea leuntzeko, Nafarroako Gobernuak emandako aholkuei segituz. Zenbait karrikatan trafikoari mugak jarri zaizkio eta espaloiak zabaltzen ari dira. Plaza inguruan ere, oinezkoak lasaiago ibil daitezen, ibilgailuak pasatzeko lekua estutu dute piboteen eta loreontzien bidez. Herriko Etxeko atarian aparkatzeko aukera 10 minututara mugatzen duten seinaleak paratu dituzte.