Joan den urtean ia mila erabiltzaile izan zituen
Bizitzen ari garen normaltasun berrirako egoeran egunetik egunera gomedio eta arauak egokitzen ari dira. Uda sasoian Bortzirietako herriko bestak ospatzen dira eta beraietara modu seguruan joan etorria egin ahal izateko Bestabusa zerbitzua eskaintzen da. Aurten ordea, egoera aintzat hartuta zerbitzua ez eskaintzea erabaki du Bortzirietako Gizarte Zerbitzuen Mankomunitateak. Oraingoz, Lesakako Udalak baieztatu du herriko bestarik ez duela antolatuko, baina bertze herrietan, bestak abuztuan eta irailean izaki, oraindik ez dute erabakirik hartu.
Mankomunitatetik jakinarazi dutenez, hurrengo urtean bueltan itzuliko den zerbitzua izanen da bestabusarena, gainera urtetik urtera erabiltzaile gehiago izaten ari da (2019ko erabiltzaile kopurua 994 izan zen).
Ez da atzendu behar zerbitzu honen oinarria kontsumoen prebentzioa lantzea eta arriskuak gutxiagotzea dela era, horregatik, herriarteko bus zerbitzua bertzelako sentsibilizazio eta formazio saioekin osatzen da: nerabe-gazteei zuzenduriko tailerrak, gurasoentzat ohar gutuna, saltzaileen kontzientziazioa eta gisakoak.
