Koronabirusak eragindako osasun-larrialdiko konfinamendutik normaltasun berrirako bidean Nafarroa lehen fasean sartu denez, Bortzirietako Hiri Hondakinen Mankomunitateak Alkaiagako industrialdean daukan Garbigunea berriz ere irekitzeko baimena jaso du, beti ere beharrezko segurtasun neurriak hartuta. Hori dela eta, heldu den astelehenean, maiatzaren 18an irekiko dute, baina COVID-19 koronabirusak eragindako egoerak irauten duen bitartean, neurri bereziak hartu beharko dituzte erabiltzaileek.
Lehenik eta behin hitzordua eskatu beharko da, 948 63 52 54 telefonora deituta. Kotxe bakarra sartuko da aldiro Garbigunean eta pertsonen arteko segurtasun distantzia mantendu beharko da. Erabiltzaileak berak Mankomunitateko langileak erraten dion edukiontzian utziko ditu hondakinak.