Artxiboko irudiak

Berako elizako ezkila berria inauguratu zuten 2004ko San Jose egunean

Hondatua zegoela eta, 2003ko urriaren 3an, San Esteban elizako ezkila bat dorretik jautsi eta Valladolidera eraman zuten han urtu eta ezkila berria egiteko. Ezkila moldatzeko gastuak Berako eliztar batek hartu zituen bere gain. Ondoko urtean, ezkila berriz ere dorrera goitu ondotik, San Jose egunean inauguratu zuten.

San Esteban eliza

Jatorrian dorretxe gotikoa zen eta XVI. mendetik aitzinera eliza gisa erabiliko da. 1632an eraberritu eta zabaldu egin zuten. Gurutze latindarreko oinplanoa eta gurutze-ganga ditu. Jatorrizko eraikinetik ia ez da aztarnarik gelditzen. Erretaula nagusia neoklasikoa da, XIX. mendekoa. Bertan, San Estebanen irudia ageri da (herriko patroia), Bortzirietako armarriarekin batera.

Elizaren barnean, organoa bereziki aipatzekoa da. Amezuak eta Jauregik egina, Nafarroako organo erromantiko onentzat joa da. Hiru teklatuko organoaren ondoan, edertasun handiko bi solairuko egurrezko aulkiteria dago. Kanpoaldean, hilerri zaharreko hilarriak ikus daitezke.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun