Koronabirusa

Traste zaharren atez ateko bilketa eta garbiguneko zerbitzua bertan behera utzi dituzte Bortzirietan

Garbigunea itxita egonen da eta auzo-konposta eta traste zaharren bilketa zerbitzua eten eginen dute.

Koronabirusa eragiten ari den arazoak direla eta, osasun-agintarien gomendioei jarraituz, Bortzirietan traste zaharren atez ateko bilketa, eta Alkaiagako garbigunean zuzeneko arreta bertan behera uztea erabaki du Bortzirietako Hiri Hondakinen Mankomunitateak. Beran, auzo-konpostaren zerbitzua ere ez da artatuko alarma egoera amaitu arte.

Horrez gain, Osasun Ministerioak horrela adierazita, kutsakorrak izan daitezkeen hondakinak (eskularruak, maskarak, betaurrekoak, mukizapiak, etab.) itxitura hermetikoa duen poltsan sartu beharko dira. Ondotik poltsa hau itxitura hermetikoa duen 2. poltsan sartu beharko da. Hondakin hauek errefusa edukiontzietara (berdeetara)  bota behar dira eta ezingo dira inolaz ere bertze edukiontzietara bota.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun