Hilaren 13an, ortziralean, 18:30ean Kultur Etxean txistu kontzertua eskainiko du Donostiako udalaren txistulari taldeak, Berako abesbatzaren, Gure Txokoa dantzari taldearen eta Isidoro Fagoaga Musika Eskolako txistu ikasleen laguntzarekin.
Larunbatean, 09:15ean goiz deia joko dute txistulariek, Altzateko plazatik abiatuta, karrikaz karrika. 10:00etan Euskal Herriko Txistulari Elkartearen batzarra eginen dute Kultur Etxean. 12:30ean, Josu Goia zena gogoan, Alkate soinua joko dute bere etxearen atarian. 13:00etan kontzertua eskainiko dute Herriko Etxeko Plazan eta 14:30ean bazkaria izanen dute Zubiondo jatetxean.
Musika kontuekin segituz, egun berean, martxoaren 14an, Urruñako Kantauri abesbatzak kontzertua eskainiko du 20:00etan hasita Kultur Etxean.