Aste Santuan jokatuko da Euskal Herriko Txirrindularitza Itzulia. Eskualdean barna ere igaroko da eta apirilaren 8ko etapak Ibardinen izanen du helmuga, zortzi urteren ondotik. Biharamunekoa Beratik abiatu eta Belate eta Saldiasko gainetatik pasatuko da, Beran izanen du tarteko helmuga eta Errenterian bukaera. Etapa hauen berri eman dute ortzirale goizean Berako Beralandetan Julia Eraso Itzuliko koordinatzaileak, Robeto Laiseka zuzendari tekniko eta txirrindulari ohiak eta Aitor Elexpuru Berako alkateak.