Igantziko inauteriak otsailaren 14an eta 15ean ospatuko dituzte

Bi egunetan banatuta, herriari buelta emanen diete Igantziko gazteek.

Koloretako jantziak soinean dituztela, etxez etxe eta baserriz baserri eskean ibiliko dira Igantziko gazteak. Horixe izaten da Igantziko inauterien oinarria; eskeko itzulia osatu eta lagunartean afalduz eta besta eginez bukaera ematea egunari. Haurrek ere izanen dute ongi pasatzeko aukera, merienda eta musika izanen dituzte eta bi egunetan mozorroa janztera animatu dituzte.

Otsailak 14, ortziralea

09:00etan mozorroek eskolara bisita eginen dute. 10:00 aldera Berrizaun auzotik hasita, etxez etxe eta baserriz baserri eskean ibiliko dira gazteak musikariekin. Herrira bueltan, bidegurutze aldeko etxeetara bisita egin eta gero, Frain auzora joanen dira. Bazkalondoan herrian eta Sarrola eta Latsaga auzoetan  ­eskean ibiliko dira gazteak. 16:30ean Guraso Elkarteak  haurrendako jokoak antolatu ditu. 18:00etan merienda eta Beñat Mitxelenarekin dantzaldia frontoian. Gauean gazteen afaria eginen dute.

 

Otsailak 15, larunbata

08:00etan Mozorroak elkartu eta Irisarri auzora joanen dira. Gero, Estongonaga, Elutseta, Unanu eta Piedadeko auzoetara eginen dute bisita. 17:00etan Kalean otso, etxean uso antzezlana eskainiko du Patata Tropikala taldeak. 18:00etan pintxoak eskainiko dituzte arkupean eta Frantziskoren eskutik musika izanen dute. Ilunabarrean boletoen zozketa eginen dute gazteek. 22:00etatik aurrera paella jatea izanen dute, Guraso Elkarteak antolatuta.

Erlazionatuak

Igantziko inauteriak 2001ean

Bortziriak Igantzi

Bihar hasiko dituzte Igantziko inauteriak eta bi egunez bestarako aukera ederra izanen dute. Horren atarian, 2001ean Ttipi-Ttapa Telebistak Igantzi...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun