Jabier Zelaietak, Luziano Altzugurenek, Bizente Garrok eta Jesus Apeztegiak 2000. urteko erreportaje honetan kontatzen dutenez, Sakristiaren azpiko gela hori, denbora batean, kalabozo modura erabili omen zen, bainan eliza erre zenetik zaborrez betea omen zegoen. Zaborra ateri eta zolaberritu ondotik, Berako erretorearen asmoa «erakusketa bat egitea» dela diote. Izan ere, hainbat eskuizkribu zahar eta zeramika tresna baliotsu omen ditu altxatuak, eta horiek ikusgai jartzeko asmoa duela diote. Aldiberean, elizaren kanpo aldetik dorrera doazen eskailerak ere moldatu nahi zituzten auzolanean, udaberri aldera.