Asun Casasola Nagore zenaren amak parte hartuko duen ekitaldian, Nagore dokumentala eskainiko dute Kultur Etxean, 13:00etan. Nagore Laffage irundarraren istorioa kontatzen du filmak. 2008ko Iruñeko sanferminetan Jose Diego Yllanesek erail zuen Laffage, 20 urte zituenean. Dokumentalak biktimaren familiakoen zein lagunen testigantzak jasotzen ditu, baita prozesu judizialean inplikatutako hainbat kideren ikuspegiak ere: fiskala, alde bietako abokatuak eta genero indarkeriaren kontrako kolektiboetako ordezkariak, bertzeak bertze.
Azaroak 25
Eraso matxisten aitzinean autodefentsa feminista aldarrikatu dute Beran
Igandean egindako manifestazioaren ondotik, astelehena, Emakumeenganako Indarkeriaren Aurkako Nazioarteko Eguna izaki, Goldatz Berako Emakume Talde Feministak deituta, elkarretaratze argiztatua egin zuten Mukixu zubian. Ortzirale eguerdian, berriz, Nagore dokumentala ikusgai izanen da Kultur Etxean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun