Adierazi dutenez, «zaurituaren bilakaera baikorra baldin bada ere, bizi guzirako ondorio larriak izaten ahal ditu». Hori horrela, lankide eta komiteko kideek «elkartasun eta babesa» adierazi nahi dizkiote bai berari eta baita bere senideei ere.
Komitearen ezohiko batzarraren ondoren, txanda guztietan batzarrak eta, «protesta eta kontzientziazio moduan», elkarretaratze bat egitea erabaki zuten eta atzo eguerdian 'Lan istripu gehiagorik ez' lelopean bildu ziren. Komiteko kideen arabera, «arrisku prebentzioaren arloak lehentasuna behar luke eta hor izugarrizko hutsunea dago. Horren adierazle garbia gure lantegian gertatzen diren istripu larri kopurua». Hori horrela, «ATS duen botikinaren zerbitzua berreskuratzea» garrantzitsua delakoan daude.
