Langile bat larriki zauritua Zalain Transformados lantegian gertatu den istripuan

Istripua ortzegun eguerdian gertatu zen Lesakako Transformados Zalain lantegian eta zauritua, 46 urteko saldiastarra, Donostiako Ospiralera eraman zuten Zainketa Intentsiboko anbulantzia batean.

Istripua artatzera Elizondoko komisariako foruzainak bertaratu ziren eta zaurituak zuen odol-isuria ixten saiatu ziren. Handik gutira Berako Osasun Etxeko mediku-erizainak bertaratu ziren artatze lanetan laguntzera eta berehala anbulantzia Donostiako Ospitalera abiatu zen, foruzainen patruila batek bidea irekitzen laguntzen zuela.

Istripu honen nondik norakoen ikerketa judiziala Foruzaingoaren Polizia Zientifikoak hartu du beregain.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun