Patxiku Irisarri Etxalarko zinegotzia da Cederna-Garalur erakundeko lehendakari berria

Ander Magallón idazkaria, Patxiku Irisarri lehendakaria eta Mikel Zabaleta lehendakariordea, izendatu berritan.

Mikel Zabaleta Leitzako alkatea izanen da lehendakariordea eta Esteribarko Etxeko mikrokooperatibako Ander Magallón idazkaria

 

Agintaldi berriko lehen batzarra egin zuen Cederna-Garalur erakundeak irailaren 25ean Antsoainen. Duela aste batzuk batzordea osatu zen, eskualdeko hainbat ordezkari barnean zela eta asteazkenean elkarteko ordezkaritza-karguak aukeratu zituzten. Patxiku Irisarri, Etxalarko zinegotzia izendatu zuten lehendakari; Mikel Zabaleta, Leitzako alkatea, lehendakariorde eta Esteribarko Etxeko mikrokoperatibako Ander Magallón idazkari.

Patxiku Irisarrik azken lau urteotan lehendakari izan den Maite Iturre Baztango zinegotzia ordezkatuko du. Batzarrean egindako bozketan 22 boto eskuratu zituen Irisarrik eta 6 boto bertze hautagaiak, Esteribarko udaleko alkateordea den Isabel Sanchez Alfarok. Bertze bi karguetarako hautagaitza bakarra zegoen. Mikel Zabaletak aldeko 26 boto eta 2 abstentzio jaso zituen lehendakariorde izateko eta Ander Magallonek 28 boto jaso zituen idazkari izateko.  

Erlazionatuak

Eskualdeko hainbat herritar sartu dira Cederna Garalur Elkartearen zuzendaritzan

Mendialdea

34 ordezkarik osatu dute zuzendaritza batzordea eta horietatik sei eskualdeakoak dira, lau udal ordezkariak eta bi sektore pribatutako kideak. Ondo...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun