Heteropatriarkatu kapitalistari planto egiteko deia eginez, ortzirale honetarako, martxoak 8, deitua dagoen greba deialdiarekin bat egin du Goldatz Berako emakume talde feministak.Horrekin batera, hainbat ekitaldi prestatu ditu. Ortziralean 09:30ean ernatze feminista eginen dute herrian barna. 10:30ean lila jokoak antolatu dituzte Merkatu Plazan eta 12:00etan emakatea eginen dute Altzateko plazatik hasita. 13:00etan bazkari feminista eginen dute Merkatu Plazan. Autogestionatua izanen denez, bakoitzak berea eraman beharko du.
Arratsaldean, Elizondon eginen diren eskualde mailako ekitaldietan parte den deia egin dute Goldatzetik. Horretarako, 16:00etan Baztanera joateko autobusa antolatu dute. Txartelak Errekalde eta Katatu ostatuetan erosten ahalko dira, bortz eurotan. 17:00etan tribial feminista eta 19:00etan manifestazioa antolatu dituzte Elizondon.