Euskaraldia

Beran eginen den Mintzodromoak borobilduko du Euskaraldia Bortzirietan

Beran eginen den Mintzodromoak borobilduko du Euskaraldia Bortzirietan
Joan den urtean Lesakako Harriondoa Kultur Etxeko komentuaren egin zen Sareuskaren Mintzodromoa.

Abenduaren 3an eginen da Bortzirietako akabaila ekitaldia Ricardo Baroja ikastetxean

Ahobiziak eta belarriprestak hamaika egunez jo eta ke aritu ondotik, akabaila indartsua eman nahi diote Bortzirietan Euskaraldiari. Horretarako ekitaldi jendetsu bat antolatu dute Berako Rikardo Baroja ikastetxean, abenduaren 3an, 11:00etatik aitzinera.

 

 

Ekitaldiaren muina Mintzodromoa izanen da, eta bertan hamaika egunetan bizitako esperientzia partekatzeko aukera izanen da.

Mintzodromoa behar bezala antolatzeko, beharrezkoa da parte hartuko dutenek aitzinetik izen ematea: euskara@bortziriak.eus / 948 634125/ euskaraldiabortzirietan@gmail.com / 610 920 673.

Izen-ematea azaroaren 30era arte izanen da. Gehienez ere 120 lagunek parte hartu ahal izanen dute.

Erran bezala, ekitaldiaren muina Mintzodromoa izanen bada ere, horrez gain ekitaldian musika, bertsoak, zozketak… ere izanen dira. Eta akabailan, 12:30 aldera, parte hartzaile guztientzako luntxa izanen da.

 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun