Bisita gidatuak
Harrapaketak harrapaketa, denboraldi honetan 300 lagun inguruk ezagutu dute ehunka urte dituen tradizioa eta horietako batzuek usoak eta haiekin egiten den lana bertatik bertara ikusteko aukera izan dute. Bisitari gehienak EAEtik eta Nafarroatik izan dira.
Zozketa
Hamabi uso bizien zozketa azaroaren 9an egin zen, gastronomia lehiaketa egunean eta irabazlea 3.013a izan zen. Bigarren saria –bi lagunentzat afaria Elutsan– 3.933ari egokitu zitzaion eta hirugarrena –usategietako produktu lotea– 3.901ari. Bigarren eta hirugarren sariek badute irabazkea, lehenengoak, berriz, ez. Zenbaki hori izanez gero, 690 26 77 56ra deitu behar da. Saridunak, saria jasotzeko, hiru hilabeteko epea izanen du.
Pirinioetako sareetako usazaleen bazkaria abenduaren 1ean
Pirinioetako sarezko usategien harrapaketako bederatzietatik laugarren postua lortu du aurten Etxalarrek. Gehien harrapatu dituena eta txapela irabazi duena Naphal izan da, 1.374 uso harrapatuta; bigarrena, Lanne, 1.200 usorekin; eta hirugarrena Oskix, 1.015ekin. Etxalarren ondotik, Lantabat (582rekin), Lecunberry (207rekin), Behorlegi (104rekin), Aldude (93rekin) eta Sarako usategia (77rekin) izan dira. Abenduaren 1ean, larunbatean, Pirinioetako sareetako usazale guztien urteroko bazkaria eginen dute, Napaleko usategietan.
