Ia 28 kilometro luze eta 1.600 metroko malda du igandeko ibilbideak
Mendia gustuko dutenentzat gozatzeko moduko hitzordua izanen da maiatzaren 20an, Ekaitza Elkarteak antolatuta, Arantzako IX. Mendi Itzulia eginen baita herria inguratzen duten mendietan barna. 07:00-07:30ean plazatik abiatuko den ibilbideak 27,9 kilometro eta 1.600 metroko malda du eta mendizaleek Arantzako mendi-zirkua osatzeko aukera izanen dute Itsaszelaita (515 m), Izu (829 m), Ibintza (1.032 m), Ekaitza (1.042 m), Illurdi (1.075 m) eta Mairubaratza (750 m) puntuetatik pasatuz.
Izen-ematea
Egunean bertan edo maiatzaren 19a baino lehen Internetez eman daiteke izena www.menditzulia.com webgunean. Facebooken ere bada informazioa.
Guztia antolatzeko herritarren laguntza beharrezkoa denez, bi bilera egiten ari dira Ekaitza Elkartean: maiatzaren 11n, lantaldeak osatzeko bilera egin zuten eta azken kontuak lotzeko, maiatzaren 18an, ortzirale arratsaldeko 7etan hondarreko bilera izanen dute.
Ekaitza Elkarteak eskerrak eman nahi dizkie babesle eta laguntzaile guztiei.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!