Mugaz Gain Antzerki jaialdiko bigarren eguneko emanaldiak ere arrakastatsuak izan ziren

Ttipi-Ttapa 2018ko mai. 14a, 07:43

DBHkoen ondotik, Lehen Hezkuntzako ikasleen txanda izanen da aste honetan

Mugaz Gain antzerki jardunaldiak abiatu ziren joan den astean Berako Kultur Etxean, Antzerki eta Eskola Elkarteak antolatu eta Berako Udalak eta Berako Kultur Batzordeak lagunduta. Ortzeguneko emanaldien ondotik, maiatzaren 11n, ortziralean, ‘Familia, ze marabilla’ antzeztu zuten Toki Ona Institutuko DBH2 Bko ikasleek, ‘¿De qué color son tus sueños?’ DBH1-2 Ako ikasleek, ‘Ta oian ze?’ Aguakate Antzerki Taldeak eta ‘Hil ta gero salda bero’ Zaskanduri Antzerki Taldeak.

Aste honetan Berako antzezle ttikienen txanda izanen da

Maiatzaren 17an, ortzegunean 10:00etan, Labiaga Ikastolako LH5ek ikasleek ‘Zoriontasunaren bila, oztopoak mila’ eskainiko dute, 12:00etan Ricardo Baroja eskola publikoko LH6ko ikasleek ‘Basoa’ eta ‘Denboraren makina’ eta 15:00etan Ricardo Baroja eskolako LH2ko ikasleek ‘Txanogorritxo eta otsoa’ eskainiko dute.

Emanaldi hauek ikastetxeetako ikasleei zuzendua izanen dira eta sartzeko euro bana kobratulo da, baina arratsaldez, ateak zabalik eskainiko dituzte emanaldiak, 18:00etan hasita. Hemen 2 euro kobratuko dute.

Maiatzaren 18an, ortziralean, 10:00etan ‘IBIZI#XXI’ antzezlana eskainiko dute Jesusen Bihotzako LH4 koikasleek. 12:00etan ‘Emozioen besta?’ taularatuko dute Ricardo Barojako LH5eko ikasleek. Bezperan bezala, emanaldi hauek ikastetxeetako ikasleei zuzendua izanen da eta sartzeko euro bana kobratulo da, baina arratsaldez, ateak zabalik eskainiko dituzte emanaldiak, 18:00etan hasita. Hemen 2 euro kobratuko dute.

Kultura Bortziriak Bera

Erlazionatuak

Abiatu dira Berako Mugaz Gain Antzerki Jardunaldiak

Ttipi-Ttapa 2018 mai 11 Bortziriak Bera

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun