Egitaraua
Larunbatean, 09:30ean, aurkezpena eginen dute. 09:45etik 10:45era, Ibaien kontserbazio egoera eta egur hilaren garrantzia solasaldia eskainiko du biologian doktorea eta ibai ekologian aditua den Lorea Floresek. Atsedenaldiaren ondotik, 11:15etik 12:15era Baztan-Bidasoaldeko ur-faunaren aberastasunaz eta aniztasunaz ariko da Rafael Miranda, Nafarroako Unibertsitateko irakaslea eta biologian doktorea (gazteleraz). 12:15etik 13:15era, Bidasoaz mintzo diren animaliaz ariko da Jorge Gonzalez, biologian doktorea eta DESMA Estudios Ambientales SL enpresako ingurumen aholkularia (gazteleraz). 13:15etik 14:00etara mahai-ingurua eginen dute parte-hartzaileek eta arratsaldean, 16:00etatik 18:00etara Bidasoa ibaira bisita eginen dute, Baztan-Bidasoaldeko arrantzaleek gidatuta.
