Errentan emateko zortzi etxebizitza babestu eraikitzeko hitzarmena sinatu dute Berako Udalak eta Nafarroako Gobernuak

Ttipi-Ttapa/Xorroxin 2018ko api. 3a, 09:27
Miguel Laparra eta Josu Iratzoki, hitzarmena sinatzerakoan.

918 metro koadroko eremua utzi dio Udalak Nasuvinsari Kaxernagaina Suspelttiki inguruan

Kaxernagaina Suspelttiki inguruan Berako herriaren 918,33 metro koadroko lur-saila doan utzi dio Nasuvinsa enpresa publikoari Berako Udalak. Josu Iratzoki alkateak eta Nafarroako Gobernuko Giza Eskubideetako presidente ordea den Miguel Laparrak martoaren 28an sinatutako hitzarmenaren arabera, babes ofizialeko zortzi etxebizitza eraikiko dira eremu horretan, errentan emateko.

 

Hitzarmen honekin martxan jarriko da bi erakundeen arteko elkarlana eta Navarra Social Housing, Nafarroako Gobernuaren alokairu-etxebizitzen plangintzara egokituko da.

Hitzarmenaren arabera, etxebizitza-mota zehatz bat eraikiko da, erosoa eta, aldi berean, Passivhaus estandarra erreferentziatzat hartuz, ia energia-kontsumorik eragiten ez duen etxebizitza. Etxebizitzak 35 urtetik beheitiko gazteei zuzenduak izanen dira, baita ezintasunen bat edo bertze behar sozialak dituztenei. Udal ordezkariek eta Nasuvinsakoek osatutako batzorde misto batek erabakiko du kolektibo bakoitzari dagokion etxebizitza kopurua.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun