Azken hamabi urteetan Ander Mujika gitarristarekin osatu duen Napoka Iria taldea desegin ondoren, bakarkako ibilbideari ekin dio Miren Narbaizak. Hainbat taldetan ibilia da baina orain, bakarkako proiektua sortu du musikari eibartarrak. Era berean, izen bereko lehen diskoa ere argitaratu berri du.
Berako Atala estudioan grabatu du MICE diskoa, hirukote formatuan. Joseba Baleztena (gitarrak, teklatuak, baxua, perkusioak…) eta Ilargi Agirre (bateria, perkusioa) izan ditu lagun. Joseba Baleztena bera arduratu da ekoizpen artistikoaz.