Uxue Barkos presidentearekin eta Maria Solana hezkuntza kontseilariak igandean Lesakan eginen den bestaren berri jaso dute
Uxue Barkos Nafarroako Gobernuko presidenteak eta Maria Solana hezkuntza kontselariak eta gobernuko bozeramaileak harrera egin diete igandean Lesakan Nafarroa Oinezeko antolatzaileei. Gisa honetara, presidenteak eta kontseilariak Nafarroako ikastolen bestaren 37. edizioaren antolaketari buruzko jakingarriak jaso dituzte, baita egun horretarako gonbidapena ere.
Mikel Asiain eta Josu Reparaz, Nafarroako Ikastolen Elkarteko presidentearekin eta zuzendariarekin batera, Amaia Lasheras Tantirumairu ikastolako presidentea eta Aitor Iratzoki, Tantirumairu ikastolako zuzendaria izan dira Iruñean urriaren 11n.
Lesakako Tantirumairu ikastolak bigarren aldiz hartuko du Nafarroa Oinez ospakizuna. Aitzinekoa duela 29 urte ospatu zuen, 1988an. Tantirumairu ikastola 1974. Urtean sortu zen, zazpi ikaslerekin eta gaur egun ehun baino gehiago ditu.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.