Partida nagusian Irribarria eta Rezustak 9 tantutan utzi zituzten Altuna eta Zabaleta
Aurtengo bestetako bereizgarria izan da Eztegara pilotaleku berritua erabili ahal izan dela. Bigarren solaituan larrialdietako irteerak egin ondotik, goitiko harmailetan bertze 200 lagun sartzeko lekua baimendu dute eta hortaz, bai bezperako dantza jaialdia, baita ortziraleko pilota jaialdia ere, jendetsuak suertatu dira.
Ortziraleko lehen partidan Ander Errandonea eta Iñigo Martinez herritarrek bikote egin behar zuten hasiea batean, baina atzelaria eskuetako minekin dabilenez, azkenean Erostarbe izan zuen lagun Errandoneak gibeleko koadroetan. 17 eta 22 irabazi zieten Retegi Bi eta Lasa IV.ari.
Jaialdiko partida nagusian, berriz, gehixeago espero zen. Irribarria eta Rezusta binakako txapelketako txapeldunek erraz irabazi zieten, 9-22, Altuna III.a eta Zabaletari.
2017 abu 07 Bortziriak Bera
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.