Euskal Telebistak eta Berako Udalak antolatu dute saioa, gero ‘Mexikotik kantari’ izeneko saioan eskaintzeko.
Mariachi Imperial “Elegancia Mexicana” taldea Guanajuatotik dator (Mexiko), Tomas Pitayoren zuzendaritzapean. Hau Rocio Durcalekin urtetan lan egin izandakoa da eta taldearen zuzendaria eta arduraduna izan da azken 16 urtetan.
Hamabi kidek osatzen dute mariacia, horien artean bederatzi musikari zazpi ahots ezberdinekin kantu mota bakoitzerako: bihuela, gitarroia, gitarra, bi tronpeta eta lau biolin; bi emakumezko ahots eta dantza bikotea. Ikuskizunean Mexikoko estatu guztietako folklore tradizionalen temak taularatuko dituzte: Tamauripas, Colima, Nuevo León eta nazioarte mailan ezagunena, Jalisco.
Dantza arloari dagokionez, Dantzaki eskola Jose Mari Orbegozok eta bere dantza bikoteak, Amaia Gonzalez, daramate. Europako txapeldunak izan dira zazpi aldiz eta Mundukoak hiru modalitatetan; dantzan eskarmentu haundia dute. Akademiak dituzte Zumarragan, Azpeitan eta Beasainen.
