Teresa Rey eta Carmen Rey galeristek eta Oaia Peruarena, Josu Urtizberea eta Juan Carlos Olaetxea margolariek osatutako epaimahaiak lana gogotik egin behar izan zuen, aurkeztutako lanen kategoria handia baitzen. Azkenean, 900 euroko lehen saria Logroñoko Jose Ignacio Amelivia margolariaren lanari ematea deliberatu zuten. Bigarren saria (600 euro) Bilboko Carlos Espigak eskuratu zuen eta 400 euroko hirugarren saria, San Martin de Unxeko Jesus Ukar Muruzabalek.
Aitor Elexpuru zinegotzia Berako Udalaren izenean, Patxi Castillo Gure Txokoako presidenteordea eta Lupe Mendigutxia lehiaketaren antolatzailea izan ziren sari banaketan.