Erraldoiek, noski, bere musikariak ere behar dituzte eta lan horretan aritu ziren Berako musika banda, Berako txistulariak, Ezpelur gaiteroak, Baztango gaitariak, Lesakako gaiteroak, Elizondoko gaiteroak eta Bortzirietako gaiteroak. Karrika dantzak, balsak, mambo, jotak eta bertze zenbait pieza jo zituzten.
Eztegara pilotalekutik abiatu eta Eztegara pasealekua, Kanttonberri karrika, Legia karrika, Bidasoa karrika, Eztegara pasealekua, Julio Caro Baroja pasealekua, Uraldea karrika eta Altzate karrikan barna ibili ziren, Altzateko plazara ailegatuz. Ibilbidean zehar bortz geldialdi egin zituzten: Herriko Etxeko Plazan (Lesakako eta Berako erraldoiei dantzatu zuten), Eztegara pasealekua (Igantzi eta Sunbilla), Julio Caro Baroja pasealekua (Elizondo eta Doneztebe), Altzate karrika (Etxalar) eta Altzateko plaza (emanaldi nagusia eta Agurra). Aipagarria izan da Etxalarko bikotearen maitasun adierazpena.
Agurraren ondotik kalejiran joan ziren Eztegara pilotalekuraino erraldoiak altxatzera.