Maiatzaren 6an, ortziral arratsaldean Toki Onako patioan egin zen kontzertuan Berako Musika Eskolakoekin batera, Alemaniako Orchestra Musikschule Sächsische Schweiz E.V. (Pirna/Saxchsen), Herbeheretako Ensemble Harp Music Style Jazz BplusC (Leiden), Austriako Band Jazz Musikschule der Stadtgemeinde Weiz (Weiz/Steiermark) eta Valentziako Carcaixent hiriko Banda juvenil L’Escola de Música de la Societat Musical Lira Casino Carcaixentí Musika Eskolek parte hartu zuten. Berako Musika Eskolako ikasleekin batera, Berako Abesbatzak eta herriko Bandak ere parte hartu zuten. Gainerakoan, Alemaniatik 40 musikariko orkestra etorri zen, Austriatik jazz-band talde bat, Herbehereetatik harpa jo zuen jazz-taldea eta Valentziatik 28 musikari gazteko taldea.
Biharamunean, larunbat goizean talde hauek Lesakako Harriondoa Kultur Etxean eskaini zuten emanaldia, herriko musika eskolakoekin batera.
Bertzalde, maiatzaren 6an, ortziral goizez, Berako eta Lesakako Musika Eskolakoek Donostiako Ilunbe Aretoan egin zen kontzertuan parte hartu zuten. ETBk grabatu du emanaldi hori eta maiatzaren 14an emitituko du, ETB1en, larunbatean 22:00etan.
