Martxoaren 12an, larunbat arratsaldeko 4etan hasiko da txapelketa eta izen ematea ordubete lehenagotik egiteko modua izanen da Iamoteneako ostatuan. Bikote bakoitzak 12 euro ordaindu beharko ditu. Txapeldunek, 200 euro eta ardo lotea izanen dute saritzat; azpitxapeldunek, bi afari Zalainen eta ardo lotea; hirugarren sailkatuek, bi afari Zubiondon eta ardo lotea eta laugarrenek, Martiko produktuen bi lote eta ardo lotea. Horretaz gain, Gure Txokoako bazkide den bikote onenak bi afari Xugan eta ardo lotea izanen du saritzat.
Musean aritu behar ez dutenei ere deia egin diete Gure Txokoa elkartetik laguntza ematera agertzeko, lana badago eta.
