Azken egunean sartuak dira Berako inauteriak. Gaur, astelehenean, bukatuko baitira inauteriak. Goizean eskean ibiliko dira eta ilunabarrean, 19:00etatik 20:00etara Batukada Batuklang taldea Altzateko karrikan ariko da.
Atzo, berriz, Inude eta Artzaien txanda izan zen. Euriari aurpegi ona jarriz, 34 bat bikote atera ziren karrikak alaitzera. Dantzariez gain, karroza ere atera zen. Momo Erregea eta pajeen paperean Izaskun Agara, Maialen Jimenez eta Nahia Esnaola aritu ziren. Obispoak, alkateak, erizainak eta eriak, mojak... Horiek ere ez zioten hutsik egin hitzorduari.
