Helduek bi ibilbide izanen dituzte aukeran: 33,5 kilometrokoa luzeena, 1.100 metroko desnibelarekin eta Manttale izanen duena punturik altuena (560 metro); eta 20 kilometrokoa laburrena, 500 metroko desnibelarekin eta Ibardin punturik altuena (412 metro). Federatuek eta Gure Txokoako bazkideek 10 euro ordaindu beharko dute izen ematean eta federatu gabekoek eta Gure Txokoako bazkide ez direnek 15 euro (asegurua)
Ibilbide ttikia ere izanen da, 14 urtez beheitiko neska-mutikoei zuzendua, Postas eta Bera artean. Postaseraino autoetan eramanen dituzte eta handik Ibardinera igo beharko dute bizikletan, Usategietan barna Zia auzora jautsi eta Matzadako futbol zelaian bukatzeko. Hauek 5 euro ordaindu beharko dituzte izen ematean eta gurasoen baimena aurkeztu beharko dute edo gurasoetakoren batek lagunduta parte hartu.
Gure Txokoatik jakinarazi dutenez, laguntzaileak beharko dituzte, bidegurutzetan laguntzeko, etab…
